Location: მთვარე, ლაკუს მორტისის ღრმული.
მთვარის გამოქვაბულის სიღრმეში დგას მომავლის ინჟინერიის მაგალითი : მბრუნავი მთვარის ბაზა, რომელიც კვებავს კაცობრიობის სწრაფვას დედამიწის მიღმა საცხოვრებლად. ალუმინით მოპირკეთებული მისი შთამბეჭდავი 60 მეტრი დიამეტრის სტრუქტურა ჰარმონიულად ერწყმის რეტრო-ფუტურისტული ესთეტიკის უახლეს ტექნოლოგიას. ინტეგრირებული ძრავების დახმარებით ბაზა ბრუნავს ცენტრალური ღერძის გარშემო ხელოვნური გრავიტაციის შესაქმნელად. ამ შემთხვევაში, ძალა, რომელიც ქმნის ხელოვნურ გრავიტაციას, მიმართულია გარეთ ბრუნვის ღერძიდან, რომელიც ცნობილია როგორც ცენტრიდანული ძალა. მის ბირთვში დევს სათბურის ბორბალი, რომელიც გამაგრებულია მსუბუქი ალუმინის შენადნობებით, ტიტანის გამაგრებით და რეგოლითური სტრუქტურებით. გამჭვირვალე ბორის მინის პანელები საშუალებას აძლევს ცნობისმოყვარე თვალებს იხეტიალონ მის მოდულებში და გაიხსენონ სამშობლო პლანეტის ხედები, ხოლო აეროგელის იზოლაცია იცავს მათ მთვარის ექსტრემალური პირობებისგან. აქ კონტროლირებადი ჰიდროპონიკური და აეროპონური სისტემები ზრდის ჟანგბადით მდიდარ მცენარეებს, რაც უზრუნველყოფს სუფთა ჰაერის, კვების და სამკურნალო რესურსების მუდმივ მიწოდებას. ეს თვითმყოფადი ეკოსისტემა, გამსჭვალული რეტრო-ფუტურისტული ინტერიერის დიზაინით, ხელს უწყობს ეკიპაჟის ფსიქიკურ კეთილდღეობას და ეხმარება რელაქსაციაში. სათბურთან დაკავშირებული მთავარი საცხოვრებელი ფართი გამოირჩევა გლუვი ალუმინის შენადნობის ჩარჩოთი, რომელსაც ავსებს ტიტანისა და რეგოლითის გამაგრება. ამ კოსმოსური ეპოქის ანკლავის შიგნით, მბრუნავი კონსტრუქცია ქმნის ხელოვნურ გრავიტაციას, ამსუბუქებს მთვარის მიკროგრავიტაციის ხანგრძლივი ზემოქმედებით გამოწვეულ ჯანმრთელობის პრობლემებს. ცენტრიდანული ძალის პრინციპებით გამაგრებული, წრიული მოძრაობა წარმოქმნის გრავიტაციის მსგავს შეგრძნებას, აძლიერებს ოკუპანტების კომფორტს და ფიზიოლოგიურ კეთილდღეობას. საცხოვრებელი ბორბალი მოიცავს სამ ძირითად მოდულს: საძილე ოთახებს, საერთო დარბაზს და ლაბორატორიებს. მთვარის მტვრით გაჟღენთილი იატაკი ხაზს უსვამს საძილე ოთახების კოსმიურ ესთეტიკას, ხოლო ერგონომიული საძილე პარკები ეყრდნობა გამძლე მასალებს კომფორტისა და სტაბილურობის უზრუნველსაყოფად. საერთო დარბაზში რეგოლითური სტრუქტურები და ხაზგასმული ნეონის განათება ხელს უწყობს საზოგადოების გაერთიანებას, ინტერპერსონალური კავშირების დამყარრებასა და გონებრივ შესვენებას. კევლარით დაცულ ლაბორატორიებში განთავსებულია უახლესი ტექნოლოგიური აღჭურვილოა, რაც საშუალებას აძლევს ადამიანებს ჩაატარონ კვლევები და მივიდნენ ახალ აღმოჩენებამდე, მთვარის ბაზის რეტრო-ფუტურისტულ ატმოსფეროში. ჩვენ ვიაზრებთ ფსიქიკური ჯანმრთელობის მნიშვნელობას, ამიტომაც მბრუნავ მთვარის ბაზაში ჩაინტეგრირებულია განათების სისტემა, რომელიც მიბაძავს დედამიწის დღისა და ღამის ციკლს. ხელმისაწვდომ ბირთვულ ენერგიაზე მომუშავე სისტემის დახმარებით, სტრატეგიულად განლაგებული ფერადი განათებები გადადის გამთენიიდან შებინდებისკენ 24 საათის განმავლობაში და დედამიწის ბუნებრივი განათების დამამშვიდებელ რიტმს ემსგავსება. ეს ილუზია ავითარებს ფსიქიკურ წონასწორობას და ფსიქოლოგიურ კეთილდღეობას, და წარმოსახვითად შლის დედამიწასა და მთვარეს შორის ამ ტიპის განსხვავებას. ბაზა განასახიერებს ტექნოლოგიის, მხატვრულობის და ფუნქციონალურობის ჰარმონიულ კონვერგენციას. მსუბუქი, მაგრამ გამძლე მასალები უძლებს მთვარის გარემოს გამოწვევებს. ამ მბრნავ მთვარის ბაზაზე, კაცობრიობის მტკიცე სული ცეკვავს მეცნიერულ პროგრესთან ერთად, რომელიც მოცულია არქიტექტურული გამომგონებლობისა და ტექნიკური ოსტატობის შერწყმაში. ის ადასტურებს ჩვენს შესაძლებლობებს, შევქმნათ თავშესაფრები უცნობის შუაგულში, სადაც საზღვრები დედამიწასა და მთვარეს შორის ბუნდოვანია და სადაც სრულდება ადამიანის მარადიული სურვილი კვლევის, კომფორტისა და კეთილდღეობისა.
