მდებარეობა: მცხეთა, საქართველო
ნაკვეთი განთავსებულია ქალაქ მცხეთაში, მუხათწყაროს ტერიტორიაზე. პროექტი წარმოადგენს ორსართულიან, ინდივიდუალურ საცხოვრებელ სახლს, რომელიც განთავსებულია ქანობიან რელიეფზე, ქუჩის მხრიდან აქვს ავტომანქანის და ფეხით მოსიარულეთა შესასვლელი. ეზოში არის ღია ავტოსადგომი, სახლამდე მისასვლელი ბილიკი, გამწვანებული ეზო და გამწვანებული წყალგამტარი ფილები. ასევე გათვალისწინებულია ღია აუზის მოწყობა თავისი ტექნიკური სათავსით. შენობის გადახურვა არის ბრტყელი 2%-იანი ქანობით. საპროექტო შენობის 0 ნიშნული შეესაბამება აბსოლიტურ ნიშნულს 984,40. ფასადის კედლები შეიღებება და შეილესება დეკორატიული ლესვით (თეთრი ფერის ბეტონის ნალესი), და ასევე მოპირკეთდება ხის ხანძარმედეგი პანელებით და ხის ფაქტურით. შენობას 0 სართულზე აქვს შემინული ვერანდა/სათბური.