არქიტექტურული პრემია 2011

ჟიურის ავტორიზაცია

ჩვენი სპონსორები

Sponsors
  • გენ.სპონსორი
  • სპონსორი
  • სპონსორი

ჩვენი მხარდამჭერები

დაჯილდოების ცერემონია

2011 წლის 6 ოქტომბერს, სასტუმროში "შერატონ მეტეხი პალასში" გაიმართა საერთაშორისო გამოფენა-კონკურსის "არქიტექტურული პრემია 2011"-ის დაჯილდოების ცერემონია.


საერთაშორისო კონკურსის ორგანიზატორები, ჟურნალი "სტილი", "არქიტექტორთა კლუბი", თბილისის მერი

გამოფენა- კონკურსის გენსპონსორი
 კომპანიები"ჰეფელე", "ფრანკე"  
სპონსორები :
კომპანია "ახალი ნათება", კომპანია "კაპაროლ ჯორჯია"

მხარდამჭერები:
"აი სტუდიო", თბილისის სახელმწიფო სამხატვრო აკადემიის მედია ხელოვნების ფაკულტეტი,
კომპანიები: "ჰერბოვიტალ 2-ს წარმომადგენლობა საქართველოში",  მოდერნ გრაფიკი""რონიკო", "ტკბილი ქვეყანა", "თელიანი ველი",
ყვავილების მაღაზია "ფლაუერს ჯი"
ფოტოუზრუნველყოფა: "ფოტო ლაიფ სტუდიო"

 საინფორმაციო მხარდამჭერები:
რადიო "ფორტუნა". რადიო "ფორტუნა+"
გაზეთები: "24 საათი", "პრაიმ თაიმი",

არქიტექრურული პრემია 2011" -ს პრიზი დამზადდა  მოქანდაკე დავით ყიფშიძის მიერ. 
აქვე გვინდა ავღნიშნოთ, რომ გამარჯვებული  ნომინანტებისთვის საჩუქრები დააწესეს:
   - კომპანიამ "ახალი ნათება"
   - კომპანიამ "რონიკო",
   - კომპანიამ "თელიანი ველი"
     - ყვავილების მაღაზიამ - "ფლაუერს ჯი"-მ
    "აი სტუდიომ" - თბილისის სახელმწიფო სამხატვრო აკადემიის მედია
    ხელოვნების  ფაკულტეტმა.
 - " ჰერბოვიტალ 2-ს წარმომადგენლობამ საქართველოში".
წელს, უკვე მესამედ, "არქიტექტორთა კლუბის" პარტნიორმა კომპანიამ " ჰერბოვიტალ 2-ს წარმომადგენლობა საქართველოში" კონკურსის ექვსი ნომინაციის ლაურეატს გადასცა მოსაწვევები, იტალიაში ერთკვირიან ვორკშობში მონაწილეობის მისაღებად.
არქიტექტორების სტიმულირებისათვის, მათი ნამუშევრების პოპულარიზაციისათვის და საზოგადოებაში მშენებლობისა და არქიტექტურის რეიტინგის ასამაღლებლად - საუკეთესო არქიტექტურული ნამუშევრებისა და საუკეთესო ინტერიერების გამოსავლენად2006 წელსჟურნალი,,სტილის" ეგიდით, საფუძველი ჩაეყარა ახალ პროექტს - საქართველოში პირველად ჩატარდა კონკურსი "არქიტექტურული პრემია 2006". პროექტმა პროფესიონალების, სამშენებლო თუ არქიტექტურული კომპანიების, საზოგადოების მნიშვნელოვანი ნაწილის ინტერესი გამოიწვია. კონკურსში მონაწილეობის მსურველთა არეალი გაფართოვდა და პროექტმა საერთაშორისო დატვირთვა მიიღო.

2007 წელს, ჟურნალი "სტილის" და კომპანია "კაპაროლ-ჯორჯიას" ორგანიზატორობით, ჩატარდა საერთაშორისო კონკურსი "არქიტექტურული პრემია 2007".
2008 წელს, თბილისობის დღესასწაულზე, 26 ოქტომბერს, თბილისის მერიისა და საკრებულოს მხარდაჭერით, ჟურნალი "სტილისა" და სამშენებლო კომპანიის "პლანეტას" ორგანიზატორობით ჩატარდა საერთაშორისო გამოფენა-კონკურსი "არქიტექტურული პრემია 2008".
2009 და2010  წლებშიჟურნალი "სტილის" ,"არქიტექტორთა კლუბის" და თბილისის მერიის ეგიდით ჩატარდა საერთაშორისო  გამოფენა-კონკურსები, "არქიტექტურული პრემია 2009" და"არქიტექტურული პრემია 2010".
დღეს, საქართველოში არსებული პოლიტიკური და ეკონომიკური მდგომარეობიდან გამომდინარე, მიგვაჩნია, რომ პროექტი კიდევ უფრო აქტუალურია, მითუმეტეს, მის მიმართ ინტერესი პროფესიონალების მხრიდან (როგორც ქართველების, ასევე უცხოელების), კვლავ მზარდია, შედეგად, პროექტი გრძელდება: წელს, ჟურნალი "სტილის", "არქიტექტორთა კლუბის" დათბილისისმერიისეგიდით კვლავ ჩატარდა საერთაშორისო გამოფენა-კონკურსი, "არქიტექტურული პრემია 2011".
- საერთაშორისო კონკურსი "არქიტექტურული პრემია 2011" საცხოვრებელი თუ საზოგადოებრივი სივრცის, შენობების, ინტერიერის და დიზაინის სფეროს მოიცავს.
- საერთაშორისო კონკურსი ტარდება არქიტექტურისა და დიზაინის სფეროში მოღვაწე პროფესიონალთათვის.
საერთაშორისო კონკურსში მონაწილეობისათვის განიხილება რეალიზებული და სარეალიზაციო პროექტები და იდეები.
საერთაშორისო კონკურსის მიზანია საუკეთესო პროექტების წარმოჩენა და იმ არქიტექტორებისა თუ დიზაინერების დაფიქსირება, რომელთაც თავისი წვლილი შეაქვთ არქიტექტურის განვითარების საქმეში.
საერთაშორისო კონკურსის ნომინაციებში გამარჯვებულ არქიტექტორებს მიენიჭათ "არქიტექტურული პრემია 2011".
საერთაშორისო კონკურსის ნომინაციები დამტკიცდა კონკურსის ორგანიზატორების მიერ.
კონკურსზე წარმოდგენილი იქნა 250ობიექტი.
საერთაშორისო კონკურსზე განიხილება ნამუშევრები შემდეგი ნომინაციების მიხედვით:

  1. ინდივიდუალური საცხოვრებელი სახლი (რეალიზებული)
  2. საზოგადოებრივი ნაგებობა (რეალიზებული)
  3. მრავალბინიანი საცხოვრებელი სახლი ან კომპლექსი (რეალიზებული)
  4. საცხოვრებელი ინტერიერი (რეალიზებული)
  5. საზოგადოებრივი ინტერიერი (რეალიზებული)
  6. რესტავრაცია-რეკონსტრუქცია (რეალიზებული)
  7. ლანდშაფტური არქიტექტურა (რეალიზებული)
  8. სტუდენტური პროექტი
  9. არქიტექტურული პროექტი
  10. ინტერიერის დიზაინ-პროექტი
  11. კონკურსგარეშე მონაწილე

მონაწილეობა მიიღო 196 არქიტექტორმა და დიზაინერმა, მათ შორის უცხოელმა არქიტექტორებმა - აზერბაიჯანიდან, ლიტვიდან, დანიიდან, საფრანგეთიდან, ინგლისიდან.

არქიტექტურულ პრემიას წარმოადგენს:

  • პრემიის სიმბოლო - მცირე ფორმის სკულპტურა
  • ლაურეატის დიპლომი;
  • ალტერნატიული ჟიურის პრემია;
  • პროექტის მხარდამჭერის ან სპონსორის პრემია.

საერთაშორისო კონკურსის ხელმძღვანელია ორგკომიტეტი, რომელიც ყალიბდება კონკურსის დამფუძნელებისა და ორგანიზატორების ბაზაზე და სამუშაოს ასრულებს წინასწარ განსაზღვრული პირობების საფუძველზე.
ამჯერად ორგკომიტეტის წევრები, პროექტის ორგანიზატორების გარდა, წინამდებარე საერთაშორისო კონკურსის ლაურეატებიც არიან.
საერთაშორისო კონკურსის ჟიური:
- საერთაშორისო პროფესიონალური საბჭო (ჟიური);
- საზოგადოებრივი საბჭო (ალტერნატიული ჟიური).
- გარდა ამისა,  კონკურსის ვებ-გვერდზე, პროექტების შესაფესებისას დაფიქსირდა საზოგადოებრივი აზრი.  მათ მიერ ნამუშევრების შეფასებისას შეირჩა სამი საუკეთესოობიექტი
"არქიტექტურული პრემია 2011"-ის საერთაშორისო ჟიურიმ, შეარჩია ბოლო წლების განმავლობაში განხორციელებული საუკეთესო პროექტები (ობიექტები წარმოდგენილი იყო სპეციალურ ვებსაიტზე და ყველასთვის იყო ხელმისაწვდომი), ობიექტურად შეაფასა(ჟიურის წევრებმა ვებსაიტზე 10 ბალიანი სისტემით შეაფასეს ობიექტები - შედეგები ავტომატურად დაჯამდა და გამოავლინა
გამარჯვებულები)
თანამედროვე არქიტექტურის განვითარების დონე და ახალი
აქტუალური ტენდენციები ამ სფეროში.
კონკურსში გამარჯვებულ ნომინანტთა დასახელება შედგა დაჯილდოების
საზეიმო ცერემონიალზე 2011 წლის 6 ოქტომბერს სასტუმროში "შერატონ მეტეხი პალასი".
დაჯილდოების დაწყებამდე მოწვეულ საზოგადოებას - თბილისის მერიის და საკრებულოს წარმომადგენლებს, კონკურსის მონაწილეებს, ჟიურის წევრებს, სამშენებლო, არქიტექტურული კომპანიების, მასმედიის წარმომადგენლებს, შესაძლებლობა ჰქონდათ, საგამოფენო დარბაზში ეხილათ კონკურსში მონაწილე საუკეთესო ნომინანტების - ქართველი და უცხოელი არქიტექტორების ნამუშევრებით შექმნილი ექსპოზიცია. დაჯილდოების ცერემონიალი 7 საათზე დაიწყო. იგი მიჰყავდათ მსახიობებს - ქეთი ხიტირს და გიორგი
ვარდოსანიძეს.  ცერემონიალი გაიხსნა  ცნობილი პიანისტის თეა ჭკუასელის და მის კოლეგების მევიოლინე ლელა მჭედლიძის, ჩელისტი გიორგი ჯორჯაძის მიერ შესრულებული კამერული მუსიკის კონცერტით. შესრულდა ცნობილი კომპოზიტორების: კრეისლერის, პონცეს, ბრაგატოს და პიაცოლას, სპეციალურად ამ საღამოსთვის შერჩეული ნაკლებადცნობილი პიესები.

დაჯიდოების საზეიმო ცერემონიალზე ჟურნალი "სტილის" რედაქტორმა ნინო ლაღიძემ დამსწრე პუბლიკას მოახსენა კლუბის საქმიანობის და ჟურნალი "სტილის" და "არქიტექტორთა კლუბის ახალ პროექტის შესახებ. . მან მადლობა გადაუხადა კონკურსის ყველა მესვეურს, მხარდამჭერს, კონკურსის მონაწილეებს, ჟიურის წევრებს.

საერთაშორისო კონკურსის "არქიტექტურული პრემია 2011" საუკეთესო ნომინანტებს პრიზები და ჯილდოები გადასცეს: თბილისის ვიცე-მერმა დავით ნინიძემ; თბილისის საკრებულოს თავმჯდომარემ, ბატონმა ზაალ სამადაშვილმა; თბილისის მერიის სოციალური მომსახურებისა და კულტურის საქალაქო სამსახურის უფროსმა ბატონმა მამუკა ქაცარავამ; ქალაქის არქიტექტურის სამსახურის უფროსმა, ბატონმა არესი ბოჭოიძემ; საქართველოს კულტურისა და ძეგლთა დაცვის მინისტრის მოადგილემ, ქალბატონმა მაკო ჭოღოშვილმა; მერიის განათლების და კულტურის განყოფილების წარმომადგენელმა, ქალბატონმა ნეკა სებისკვერაძემ; საერთაშორისო კონკურსის "არქიტექტურული პრემია 2011" გენერალური სპონსორის, კომპანია "ჰეფელე"-ს და კომპანია "ფრანკეს" დირექტორმა ბატონმა მიხეილ მიქელაძემ; თბილისის ტექნიკური უნივერსიტეტის არქიტექტურის ინსტიტუტის დეკანმა, ბატონმა გოჩა მიქიაშვილმა და თბილისის სახელმწიფო სამხატვრო აკადემიის, არქიტექტურის ფაკულტეტის დეკანმა ნოდარ ამაშუკელმა; წინა წლებში ჩატარებული კონკურსების ლაურეატებმა.  
წელს უკვე მეორედ, საერთაშორისო კონკურსის "არქიტექტურული პრემია 2011"-ის სპონსორმა კომპანიამ "ახალი ნათება", მის მიერ დაწესებულ  ექსკლუზიურ ნომინაციაში "საუკეთესოდ განათებული ობიექტი" -  კონკურსზე წარმოჩენილი ნამუშევრებიდან ორი ნომინანტი დააჯილდოვა. ნომინანტებს, პრიზები, კომპანიის - "ახალი ნათება" - საზოგადოებასთან ურთიერთობის მენეჯერმა ქალბატონმა თათა მორჩილაძემ გადასცა.  
წელს ნომინაციის - საცხოვრებელი ინტერიერი (რეალიზებული) - გამარჯვებული ნომინანტისთვის "არიტექტურული პრემია 2011"-ის მხარდამჭერი კომპანიის "რონიკოს"  მიერ პრიზი დაწესდა. გარდა ამისა, კომპანია "რონიკომ" დააწესა სპეციალური პრიზი კონკურსის ორგანიზატორებისთვის. დასახელებულ ადრესატებს პრიზი გადასცა კომპანია "რონიკოს" საზოგადოებასთან ურთიერთობის მენეჯერმა, ქალბატონმა თინათინ ჭუჭულაშვილმა.
ასევე, წელს პირველად, ნომინაციის - საზოგადოებრივი ინტერიერი - გამარჯვებული ნომინანტისთვის "არქიტექტურული პრემია 2011"-ის მხარდამჭერი კომპანიის "თელიანი ველის" მიერ, დაწესდა პრიზი.  კომპანია "თელიანი ველის" გენერალურმა დირექტორმა, ბატონმა შოთა ხობელიამ გამარჯვებულ ნომინანტთან ერთად, სპეციალური პრიზით, კონკურსის ორგანიზატორებიც დააჯილდოვა.
ცერემონიის დასასრულს, საზოგადოებას მოკლე სიტყვით მიმართა ჟურნალი "სტილის" და "არქიტექტორთა კლუბის" დამფუძნებელმა, ბატონმა, დიმიტრი მოსულიშვილმა. მიმოიხილა საერთაშორისო კონკურსის მნიშვნელობა ქართულ სინამდვილეში, მისი შედეგები და გახსნილად გამოაცხადა შემდგომი საერთაშორისო კონკურსი "არქიტექტურული პრემია 2012".
დასასრულს, კონკურსის ორგანიზატორებმა სტუმრები ფურშეტზე მიიწვიეს, რომელსაც ამშვენებდა კომპანია "ტკბილი ქვეყნის" უგემრიელესი, ვებერთელა ტორტი და კომპანია "თელიანი ველის" საუკეთესო შამპანური და ღვინო.
კონკურსში გამარჯვებულთა პროექტები გამოქვეყნდება ჟურნალ "სტილში" და გამოიცემა კატალოგის სახით; გამარჯვებული პროექტები გამოფენილი იყო დაჯილდოების ცერემონიალისთვის განკუთვნილ სივრცეში; გაშუქდა ტელევიზიის, რადიოსა და მასმედიის საშუალებით. საერთაშორისო კონკურსი ჩატარდება ყოველწლიურად.


დაგვიკავშირდით

გმადლობთ! თქვენი შეტყობინება წარმატებით გაიგზავნა...
ვწუხვართ, მაგრამ შეიქმნა გაგზავნის პრობლემა

ჟიურის ავტორიზაცია

სახელი
პაროლი
ავტორიზაცია