არქიტექტურული პრემია 2006

ჟიურის ავტორიზაცია

ჩვენი სპონსორები

Sponsors
  • გენ.სპონსორი
  • სპონსორი

დაჯილდოების ცერემონია

2006 წლის 24 დეკემბერს 16.00 საათზე სასტუმრო "შერატონ მეტეხი პალასის" საპრეზენტაციო დარბაზში გაიმართა კონკურსის "არქიტექტურული პრემია 2006" დაჯილდოების საზეიმო ცერემონიალი. ცერემონიალს ესწრებოდნენ კონკურსის მონაწილეები, პროფესიული და საზოგადოებრივი ჟიურის წევრები, პროექტის მხარდამჭერები და სპონსორები, ჟურნალის პარტნიორი კომპანიების წარმომადგენლები.


პროექტის ორგანიზატორი იყო ჟურნალი "სტილი"

მხარდამჭერი კომპანია "კაპაროლ-ჯორჯია"

სპონსორი კომპანია "სასკო"

პროექტის საინფორმაციო მხარდამჭერები:
რადიო იმედი. გაზეთი 24 საათი.

ჟურნალები: ამარტა, ანაბეჭდი, პირველი

ცერემონიალისათვის განკუთვნილ ექსპოზიციას საუკეთესო ნომინანტების და ლაურეატების ნამუშევრების პანორამა ქმნიდა. საზეიმო განწყობის მუსიკალურ ფონს ქალთა სიმფონიური კვარტეტის მიერ შესრულებული კლასიკური მელოდიები ამაღლებდა.

ზუსტად 16.00 საათზე დაჯილდოების ცერემონიალი დაიწყო. მისი წარმართვა ცნობილ მსახიობებს – მიშა გომიაშვილს და ალეკო მახარობლიშვილს დაეკისრათ. მათ, მოკლე შესავლის შემდეგ მოწვეულ პუბლიკას წარუდგინეს კონკურსის ორგანიზატორის – ჟურნალი "სტილის" რედაქტორი ნინო ლაღიძე, დირექტორი ეკა ჯავახიშვილი, პროექტის მხარდამჭერი – კომპანია "კაპაროლ ჯორჯიას" დირექტორი ბორის გამრეკელი.

კონკურსში მონაწილეობისათვის განიხილულ იქნა მხოლოდ რეალიზებული პროექტები. (საზოგადოებრივი და საცხოვრებელი შენობები, ინტერიერები).

კონკურსის ლაურეატებისათვის და საუკეთესო ნომინანტებისათვის არქიტექტურული პრემიის მისანიჭებლად წამყვანებმა, დარბაზიდან, მოიწვიეს ჟურნალი სტილის" გამომცემელი ბატონი დიმიტრი მოსულიშვილი, პროექტის მხარდამჭერის - კომპანია "კაპაროლ ჯორჯიას" დირექტორი ბორის გამრეკელი, პროექტის სპონსორის კომპანია "სასკოს" დირექტორი ბატონი გიორგი სიჭინავა და არაპროფესიული ჟიურის წარმომადგენლი ბატონი შოთა გლურჯიძე.

კონკურსის ნომინაციებში გამარჯვებულ არქიტექტორებს დაჯილდოების ცერემონიალზე მიენიჭათ "არქიტექტურული პრემია 2006". ლაურეატებს გადაეცათ კონკურსის სიმბოლო, მცირე არქიტექტურული სკულპტურა (ავტორი კოტე ჯინჭარაძე), დიპლომები, "კაპაროლ ჯორჯიას" მიერ დაწესებული საჩუქრები, კომპანია "ჯივიესის" მიერ - ქართული ღვინო თამადა, კომპანია "ორბელის" მიერ – ფასდაკლების კუპონები.

დაჯილდოების ცერემონიალზე, გამარჯვებულთათვის პრიზების, საჩუქრების გადაცემის და მილოცვების შემდგომ საზოგადოების წინაშე კონკურსის ორგანიზატორის ჟურნალი სტილის გამომცემელი ბატონი დიმიტრი მოსულიშვილი წარსდგა. იგი მიესალმა პუბლიკას კონკურსის ორგანიზატორების სახელით, რომლებმაც დიდი შრომა გასწიეს კონკურსის ჩასატარებლად და აღნიშნა, რომ კონკურსის მიზანი იყო საქართველოში ბოლო 10 წლის განმავლობაში შექმნილი არქიტექტურისა და დიზაინის წარმოჩენა, რათა საზოგადოებას მისი გაცნობის და შეფასების შესაძლებლობა მისცემოდა.

დიმიტრი მოსულიშვილმა ყველას მიულოცა კონკურსის "არქიტექტურული პრემია 2006" ჩატარება და გახსნილად გამოაცხადა კონკურსი "არქირექტურული პრემია 2007", რომელზედაც ნამუშევრების მიღება იწარმოებს მთელი წლის განმავლობაში, დაჯილდოება კი შედგება 2007 წელს.

საზეიმო ცერემონიალი დამთავრდა ფურშეტით!

დაგვიკავშირდით

გმადლობთ! თქვენი შეტყობინება წარმატებით გაიგზავნა...
ვწუხვართ, მაგრამ შეიქმნა გაგზავნის პრობლემა

ჟიურის ავტორიზაცია

სახელი
პაროლი
ავტორიზაცია