მდებარეობა: ა.შ.შ. მასაჩუსეტის შტატი, ქ. სომერვილი
საპროექტო ტერიტორია ის მოქცეულია რკინიგზის ორ ხაზს შორის. არსებული ტერიტორია ეკოლოგიურად დაბინძურებული, ხმაურიანი და საცხოვრებლად გამოუსადეგარია. პროექტის მიზანია ტერიტორიას დაუბრუნოს საზოგადოებრივი დანიშნულება, შექმნას საცხოვრებელი გარემო და არქიტექტურა, რომელიც ფუნქციის ცვალებადობასთან ერთად შეიცვლის თავის გეგმარებას. განაშენიანების ერთ-ერთი შემადგენელი ელემენტი,სამედიცინო ოფისის შენობა წარმოადგენს მოცულობას, რომელიც შედგება ცვალებადი მოდულებისაგან. სპეციალური დანიშნულების კლინიკა არის მოტივტივე ნაგებობა, რომელიც დროთა განმავლობაში იცვლის კონფიგურაციას. შესაძლოა მისგან შეიქმნას რამდენიმე დამოუკიდებელი შენობა. მათი გადაადგილება ხდება ზედმეტი ძალისხმევის გარეშე წყლის ზედაპირზე გადაცურებით. წრედში შეკრული კომუნიკაციები განლაგებულია მოდულის შესაბამისად და საჭიროების შემთხვევაში მოემსახურება ნებისმიერი კონფიგურაციის ერთ თუ რამდენიმე შენობას.