მდებარეობა: ძმები ზუბალაშვილებისა და გრიბოედოვის ქუჩებს სორის.
მრავალბინიანი საცხოვრებელი კომპლექსი განთავსებულია მთაწმინდის რაიონში, ძმები ზუბალაშვილების და გრიბოედოვის ქუჩებს შორის, რთულ რელიეფზე- 0,7 ჰა. ქუჩების დონეების შორის სხვაობა 11.40 მ- ია, ქვეითად მოსიარულეთათვის დონეებს შორის კავშირისთვის მოწყობილია ღია კიბეები, ასევე შუა კორპუსის ლიფტით და კიბეებით ხდება მიწისქვეშა პარკინგის სართულებზე მოხვედრა. ტრანსპორტისთვის- სხვადასხვა დონეებსა და პარკინგთან დასაკავშირებლად მოწყობილია ორზოლიანი რამპა,- მოძრაობა ორმხრივია- შესაძლებელია გრიბოედოვის ქუჩიდან ზუბალაშვილის ქუჩაზე ასვლა და პირიქით. ზუბალაშვილის ქუჩაზე მოსაბრუნებელი მოედანი რთულ რელიეფზეა მოწყობილი, კოლონებზეა დაყრდნობილი, (შეიძლება მისი გაგრძელება ესტაკადის სახით....). საცხოვრებელი კომპლექსი შედგება სამი კორპუსისგან - პირველი კორპუსი მდებარეობს გრიბოედოვის ქუჩის მიმდებარედ, მეორე და მესამე კორპუსი - ძმები ზუბალაშვილების ქუჩაზე. ისინი დაკავშირებულია ერთმანეთთან გადასასვლელი ხიდებით, შუა სართულებზე მოწყობილია დასასვენებელი ღია გამწვანებული სივრცეები, შენობების კონსტრუქციული სისტემა კარკასულია, მალები: 6.20; 3.20; კორპუსები დგას სვეტებზე,- ტერიტორიის გამწვანების და ბუნებრივი აერაციის თვალსარისით. ბინებში დაცულია ფუნქციონალური ზონირების, ორიენტაციის, აერაციის და ინსოლაციის მოთხოვნები. ოთხი და ხუთოთახიანი ბინები დუპლექსის ტიპისაა. სადარბაზოში მოწყობილია სამგზავრო, სატვირთო ლიფტები და შეუბოლავი კიბე.
