საზოგადოებრივი ნაგებობა (რეალიზებული)*
ვაჩნაძიანის ღვინის მარანი
ფართობი: 4200 m2
მდებარეობა: ვაჩნაძიანი, საქართველო
შენობა მდებარეობს ალაზნის ველზე - რეგიონის მეღვინეობის მრავალსაუკუნოვან და ტრადიციულ კერაში, კავკასიონის ქედისა და ვენახების ფონზე. საქართველოში მეღვინეობას რიტუალური და საკრალური მნიშვნელობა აქვს. შესაბამისად, ღვინოსთან დაკავშირებული საკითხები - მისი წარმოება, მოხმარება თუ ის სივრცეები, სადაც ეს პროცესი მიმდინარეობს - მოქცეულია განსაკუთრებულ ემოციურ გარემოში, რომელიც ვერ უვლის გვერდს ისტორიულ ტრადიციას, მათ შორის მშენებლობის ხელოვნებასაც. ეს მემკვიდრეობა შუა საუკუნეების ტექტონიკის ელემენტების თავისუფლად ინტერპრეტირებული სახით ვლინდება, თუმცა თითოეულ კონკრეტულ შემთხვევაში - ყოველგვარი დაჟინებული პირდაპირი ციტირების გარეშე.
