მდებარეობა: წყალტუბო
საპროექტო ტერიტორია მდებარეობს დასავლეთ საქართველოში, იმერეთში-წყალტუბოში, კერძოდ წყალტუბოს მუნიციპალიტეტის ჩრდილო-აღმოსავლეთ ნაწილში. კოორდინატებით (42.331142, 42.605812) ვაჟა-ფშაველასა და 26 მაისის ქუჩებს შორის, ცივი ტბის გვერდით. საკადასტრო კოდი 29.08.32.544 . ნაკვეთის ფართობი წარმოადგენს 11050 კვ.მ.უკრაინაში მიმდინარე მოვლენებიდან გამომდინარე ძალიან ბევრმა ბავშვმა და ოჯახმა გადაიტანეს უმძიმესი დღეები. დაკარგეს ოჯახის წევრები. ძალიან ბევრი ბავშვი დარჩა ოჯახის გარეშე. დაკარგეს საცხოვრებელი ადგილები. ცდილობენ გააღწიონ ქვეყნიდან რომ გადარჩნენ. ცდილობენ თავი შეაფარონ სხვა ქვეყნებს. აქედან გამომდინარე გამიჩნდა იდეა შევქმნა ისეთი გარემო და პირობები სადაც თავს უკეთ იგრძნობდნენ. ჩემი მიზანია შევქმნა სასტუმროს ტიპის საცხოვრებელი, სამკურნალო-სარეაბილიტაციო ცენტრი, სადაც ექნებათ კომფორტული პირობები დაზარალებულებს. ასევე შეძლებენ დროებით დაივიწყონ ეს ყველაფერი, ექნებათ დროებითი საცხოვრებელი სადაც შეძლებენ გამოჯანმრთელებას. შევუმსუბუქო ის სტრესი და დაძაბულობა რაც ამ ომის პერიოდში გადაიტანეს და კიდევ გრძელდება.