მდებარეობა: ანა პოლიტკოვსკაიას 31, თბილისი, საქართველო
კოლაბორაცია: შპს თბილქალაქპროექტი აკუსტიკური ინჟინერია: შპს აკუსტიკო ინჟინერია (MEP): შპს კასა კალდა სტრუქტურული ინჟინერია: შპს კაპიტელი სამშენებლო სამუშაოები: შპს დაგი პროექტის მენეჯმენტი: შპს სიემსი ფოტო: ლაშა გიგაური, დავით ბანცაძე საქართველოს საზოგადოებრივი მაუწყებლის ახალი შენობა თბილისში — 27,918 მ² ფართობის მედია-კომპლექსი ახლებურად განსაზღვრავს საზოგადოებრივი მაუწყებლობის სივრცეს ქვეყანაში. შენობა წარმოადგენს მრავალფუნქციურ სამუშაო და საწარმოო მედია ცენტრს, სადაც ერთიანდება ტელევიზია, რადიო და ციფრული ინფრასტრუქტურა, რომელიც დაფუძნებულია გამჭვირვალობაზე, მოქნილობასა და საზოგადოებრივ მნიშვნელობაზე. პროექტის მიმოხილვა შენობა დაყოფილია ხუთ ურთიერთდაკავშირებულ ბლოკად, რომლებიც მოიცავს ადმინისტრაციას, ნიუს რუმს, სტუდიებს, კინო პავილიონებს, პოსტპროდუქციის ზონებს, ტექნიკურ ინფრასტრუქტურასა და არქივის საცავს. კომპლექსის გულში განთავსებულია წითელი ლითონის ატრიუმი — რომელიც სიმბოლურად გამოხატავს გახსნილობასა და ინსტიტუციურ გამჭვირვალობას. მინის ხიდის გადასასვლელები და ცენტრალური კიბე ყველა ნიშნულზე აკავშირებს სხვადასხვა დეპარტამენტს, რაც თანამშრომლობასა და დისციპლინათაშორის სინერგიას უწყობს ხელს. თითოეული ბლოკი ავტონომიურად ფუნქციონირებს, თუმცა მათ შორის უწყვეტი კავშირი უზრუნველყოფს სამუშაო პროცესის თანმიმდევრულობას და შემოქმედებით თანამშრომლობას. ფასადები, რომლებიც წითელი, თეთრი და ნაცრისფერი ტონებით არის გადაწყვეტილი, გამოხატავს დინამიზმსა და მსუბუქობას, ხოლო წითელი ფერი — ბრენდის განმსაზღვრელი ელემენტია. ბლოკები: ბლოკი A: ადმინისტრაციული შენობა. განთავსებულია ნიუსრუმი, რადიო, თეატრი, ცენტრალური სააპარატო და სხვა. ბლოკი B: სატელევიზიო პავილიონების შენობა (1,000 მ², 700 მ², 500 მ² და 200 მ²). ბლოკი C: კინო, ვიდეო და აუდიო ფირების არქივი — კლიმატ-კონტროლირებად პირობებში. ბლოკი D: ტექნიკური შენობა. ბლოკი E: ავტოსადგომი. ტექნიკური და აკუსტიკური სტრატეგია პროექტის ერთ-ერთი მთავარი გამოწვევა იყო უახლესი სამაუწყებლო ინფრასტრუქტურის ინტეგრირება ერთიან არქიტექტურულ ჩარჩოში. სტუდიებსა და საკონტროლო ოთახებს სჭირდებოდათ მკაცრი აკუსტიკური იზოლაცია, ვიბრაციისგან დაცვა, ელექტრომაგნიტური გადაფარვის თავიდან აცილება და ზუსტი კლიმატ-კონტროლი. ეს მიღწეული იქნა მოდულური დაგეგმარებით, სპეციალიზებული დეტალიზაციით და მჭიდრო თანამშრომლობით კონსულტანტებთან. თითოეული სტუდია სტრუქტურულად დამოუკიდებელია — კედლების, იატაკის და ჭერის მყარი შეერთებების გარეშე. ასევე ხმის დამხშობი მაყუჩებით იზოლირებული საინჟინრო გამტარები და ორმაგი მინის ბარიერები ხმაურის გავრცელებას უშლის ხელს და უზრუნველყოფს უწყვეტ სამაუწყებლო პროცესს. სამოქალაქო და ეკოლოგიური როლი ტექნიკური ეფექტურობის მიღმა, შენობა ხელს უწყობს გახსნილობას, ხელმისაწვდომობასა და ინსტიტუციურ ერთიანობას. ბარიერების გარეშე გადაადგილება და ერგონომიული სამუშაო სივრცეები, მათ შორის საერთო სამოქალაქო ზონები — ატრიუმი და შიდა/გარე რეკრეაციული სივრცეები, უზრუნველყოფს ინკლუზიურობასა და დეპარტამენტშორის მჭიდრო ურთიერთთანამშრომლობას. დამოუკიდებელი მედიის სიმბოლო ახალი შენობა უნდა წარმოადგენდეს მედიის ობიექტურობისა და თავისუფლების სიმბოლოს. თანამშრომლობის, ხელმისაწვდომობისა და საზოგადოებრივ ნდობაზე ორიენტირებული არქიტექტურით, პროექტი წარმოადგენს პროგრესულ ხედვას საზოგადოებრივი მაუწყებლობისთვის საქართველოში.
