მდებარეობა: ქ. თბილისი, პ. ინგოროყვას ქ. N10/2
მიწის ნაკვეთზე მდებარეობს ორი კულტურული მემკვიდრეობის უძრავი ძეგლი. ინგოროყვას ქუჩის გასწვრივ მდებარე შენობა (ინგოროყვას ქ. N10) და ინგოროყვა-ჩაიკოვსკის ქუჩების კვეთაზე მდებარე ობიექტი (ჩაიკოვსკის ქ. N2). ისინი დღეის მდგომარეობით ერთიან არიტექტურულ კომპლექსს ქმნიან საერთო ეზოთი, რომელში მოხვედრაც ინგოროყვას ქუჩაზე მდებარე თაღის გავლითაა შესაძლებელი. ძეგლების სავარაუდო აგების თარიღი 1870-იანი წლებია. სამუშაოები ითვალისწინებს უძრავი ძეგლის რეაბილიტაციას. პროექტის ფარგლებში დაგეგმილია შენობის რეკონსტრუქცია მისი ფიზიკური გაძლიერებისა და გაჯანსაღების მიზნით, რესტავრაცია მისი ავთენტური იერსახის დაბრუნებით. რეაბილიტაცია უკეთდება ძეგლის დაზიანებულ ნაწილებსა და ცალკეულ ელემენტებს, ხდება ეზოს კეთილმოწყობა. პროექტი ხორციელდება თბილისის განვითარების ფონდის მიერ დაგეგმილი რეაბილიტაციის ფარგლებში.
