მდებარეობა: კოტე აფხაზის 39
სასტუმროს ოთახების ინტერიერი გადაწყვეტილია ფირუზისფერ ფერში, ასევე ნომრებში მოწყობილია თანამედროვე ტიპის შუშაბანდები, აღნიშნული გადაწყვეტა ეხმიანება შენობის არქიტექტურას, კერძოდ ფირუზისფერ ფასადს და მის თბილისულ შუშაბანდებს. აღსანიშნავია სპეციალურად სასტუმროსთვის შექმნილი „ღვინის ანბანი“, რომელიც წარმოადგენს ინტერიერის ძირითად თემას და ქართული ღვინის 8 000 წლიანი ისტორიის თხრობას ( storytelling). თითოეული ასო, უყვება სტუმარს ქართული ღვინის უძველესი კულტურის შესახებ, როგორც ქართულ ასევე ინგლისურ ენაზე. ანბანი ფიგურირებს, სასტუმროს ყველა სივრცეში. კაფე & ღვინის ბარი კალიგრაფი ასევე გაჯერებულია ქართული ღვინის კულტურის თემაკიტით. მის ინტერიერში ასევე წარმოდგენილია ღვინის ანბანი თავისი 33 უნიკალური ამბით. კაფე-ბარის მთავარ სამკაულს ასევე წარმოადგენს მასიურ ხეში შესრულებული რელიეფური პანო, რომელშიც გაერთიანებულია ქართული ორნამენტები და ანბანი.
