|
საზოგადოებრივი აზრი |
მდებარეობა: ლასკადურა
პროექტი მდებარეობს ქვემო სვანეთში, სოფელ ლასკადურაში — ბუნებრივ, მთიანი ლანდშაფტითა და მკაფიო რეგიონული არქიტექტურული ხასიათით გამორჩეულ გარემოში. მთავარი მიზანი იყო შექმნილიყო თანამედროვე საცხოვრებელი, რომელიც ერთდროულად არის ადგილობრივი და თანამედროვე — არქიტექტურა, რომელიც არ ცდილობს გარემოსთან კონკურენციას, არამედ მისი ბუნებრივი და კულტურული ხასიათიდან იღებს საკუთარ იდენტობას. ქვისა და ხის კომბინაცია, დახრილი სახურავები, მასშტაბი და სივრცითი ორგანიზება ადგილობრივი არქიტექტურის ხასიათს ეხმიანება, თუმცა ტრადიციული ფორმების პირდაპირი გამეორების ნაცვლად მათი თანამედროვე გააზრება ხდება. შიდა სივრცეები ორგანიზებულია ისე, რომ საცხოვრებელი გარემო მაქსიმალურად იყოს დაკავშირებული ბუნებასთან. შენობების განლაგება ქმნის შიდა ეზოს, რომელიც პროექტის ერთ-ერთ მთავარ სივრცით ცენტრად გვევლინება და საცხოვრებელ სივრცეებს ლანდშაფტთან აკავშირებს. დიდი ღიობები, ტერასები და გადახურული გარე სივრცეები აძლიერებს ამ კავშირს და ქმნის ბუნებასთან უწყვეტი ურთიერთობის განცდას.
