|
საზოგადოებრივი აზრი |
მდებარეობა: რუსთავი
პროექტი წარმოადგენს ქალაქ რუსთავში მეტალურგიული ქარხნის მიმდებარე ტერიტორიის პერსპექტიული განვითარების კონცეფციას და მიზნად ისახავს ძველი ინდუსტრიული სივრცის თანამედროვე, მრავალფუნქციურ ურბანულ უბნად გარდაქმნას. პროექტის ძირითადი იდეაა, რომ ტერიტორია გადაიქცეს განათლებისა და ინოვაციების ახალ ცენტრად - შეიქმნას საერთაშორისო სტუდქალაქი, საუნივერსიტეტო და კვლევითი კომპლექსები, სტუდენტური საცხოვრებლები, ტექნოპარკი, ავტოზონა და რეკრეაციული სივრცეები. პარალელურად პროექტი ითვალისწინებს ტრამვაის ხაზის, განახლებული რკინიგზის სადგურის, ველობილიკებისა და ახალი ქუჩების ქსელის განვითარებას, რაც გააუმჯობესებს როგორც ქალაქშიდა, ისე თბილისთან და რეგიონებთან კავშირს. მნიშვნელოვანი ნაწილი ეთმობა ასევე მწვანე და რეკრეაციული სივრცეების შექმნას, ინდუსტრიულ და საცხოვრებელ ზონებს შორის ბუფერული სივრცეების მოწყობას და ეკოლოგიური მდგომარეობის გაუმჯობესებას. საბოლოო ხედვაა რუსთავის ეტაპობრივი გარდაქმნა ტრადიციული ინდუსტრიული ქალაქიდან ახალგაზრდობაზე, განათლებაზე, ტექნოლოგიებსა და მდგრად ურბანულ განვითარებაზე ორიენტირებულ ქალაქად.
